முத்தக் காட்சிக்காக மன்றாடிய நடிகை.. மறுத்த நடிகர்..

பெரும்பாலும் நடிகைகள் தான் உதட்டு முத்தக்காட்சி என்றால் முகம் சுழிப்பார்கள். ஆனால் சமீபகாலமாக நடிகைகளேகூட அந்த விசயத்துக்கு தயராகத்தான் வருகிறார்கள். ஆனால் கருப்பம்பட்டி படத்தில் நடித்துள்ள அஜ்மலோ, உதட்டு முத்தக்காட்சியா? வேண்டவே வேண்டாம் என்று டைரக்டரிடம் மன்றாடியிருக்கிறார்.

இந்த மாதிரி காட்சிக்காக சில நடிகர்கள் அலையோ அலையென்று அலைகிறார்கள். நீங்கள் என்னடான்னா உதட்டு முத்தம் என்றதும் இப்படி அலறுகிறீர்களே? என்று கேட்டதற்கு, நடிகைகளுடன் நெருக்கமாகவே இப்போதுதான் நான் நடிக்க பழகி வருகிறேன். இந்த நேரத்தில் உதடு கவ்வி முத்தம் கொடுப்பதென்பது எனக்கு நடுக்கத்தை கொடுக்கிறது என்றாராம்.

ஆனால் அப்படத்தில் நாயகியாக நடிக்கும் அபர்ணா பாஜ்பாய், முத்தக்காட்சி என்றதும் பல்லால் உதட்டை கடித்துக் கொண்டு, இன்றைக்கு நானா, அஜ்மலான்னு ஒரு கை பாத்துடுவோம் என்று தில்லாக கேமரா முன்பு வந்து நின்றாராம். அவரது வேகத்தை தெரிந்து கொண்ட கருப்பம்பட்டி பட டைரக்டரா பிரபு ராஜ சோழன், அவரை அழைத்து, அஜ்மல் முத்தக்காட்சியில் நடிக்க தயங்குகிறார்.

இதனால் நீங்கள் அவரது கன்னத்தில் முத்தம் கொடுப்பது போன்று காட்சியை மாற்றி விட்டேன் என்று சொன்னாராம். இதனால் புல் மூடோடு வந்து நின்ற அபர்ணா, வெறுத்து விட்டாராம். அதோடு, முத்தக்காட்சியில் நடிக்க தயங்கிய அஜ்மலை அதன்பிறகு பார்க்கும்போதெல்லாம், புதிதாக வயசுக்கு வந்த பெண்ணை கலாய்ப்பது போல் விரட்டி விரட்டி கலாய்த்தாராம் அபர்ணா பாஜ்பாய்.

 

பிரஸர் பற்றி கட்டாயம் அறிய வேண்டியவை

"எனக்கு தலைச்சுற்று இல்லை, தலையிடி இல்லை, களைப்போ சோர்வோ இல்லை, ஆனால் டாக்டர் பிரஸர் என்று சொல்கிறாரே" என நீங்கள் ஆச்சரியப்படுவீர்கள்.ஆனால் அதுதான் உண்மை. பிரஸர் என்பது அறிகுறிகள் அற்ற நோய். எனவேதான் பெருந் தொகையான மக்கள் தங்களுக்குப் பிரஸர் (உயர் இரத்த அழுத்தம்) இருப்பதை அறியாமலே இருக்கிறார்கள். 

சிலர் அறிவதற்கு முன்னரே அதன் பாதிப்புகளால் இறந்து போகவும் கூடும்.

கடுமையான பாதிப்புகள்

எந்தவித வெளிப்படையான அறிகுறிகள் இல்லாவிட்டாலும் இந்நோய் ஆபத்தானது. ஏனெனில் பிரஸர் நீண்ட காலம் இருந்தால் அவருடைய உறுப்புகள் காலகதியில் பாதிக்கப்படும்.
பிரஸர் இருதயத்திற்கான வேலைப்பளுவை அதிகரிக்கிறது. அதைக் கட்டுப்படுத்தாவிட்டால் எதிர் காலத்தில் இருதய வழுவலுக்கு (Heart failure) இட்டுச் செல்லலாம்.
உயர் இரத்த அழுத்தம் இருந்தால் இரத்தக் குழாய்கள் தடிப்படைகின்றன. இதனால் மாரடைப்பு போன்ற இருதய நோய்கள் எதிர்காலத்தில் ஏற்படலாம்.
பக்கவாதம் (Stroke) ஏற்படலாம்.
சிறுநீரகப் பாதிப்பும் பின் சிறுநீரகச் செயலிழப்பும் (Renal failure) ஏற்படலாம். இது சிறுநீரக மாற்று அறுவைச் சிகிச்சைக்கு இட்டுச் செல்லலாம்.
விழித்திரையின் இரத்தக் குழாய்கள் பாதிப்படைவதால் பார்வை இழப்பு நேரிடலாம்.


கடுமையான நிலையின் அறிகுறிகள்

இத்தகைய பாதிப்புகள் உள்ளுரப் பாதிக்க ஆரம்பித்த பின்னரே அறிகுறிகள் வெளிப்படையாக தெரியத் தொடங்கும்;.

உதாரணமாக 

கடுமையான தலையிடி

மூக்கால் இரத்தம் வடிதல்

பார்வை மங்கல்

மூச்செடுப்பதில் சிரமம்

கால் வீக்கம்

போன்ற அறிகுறிகள் நோய் தீவிரமாகி நீண்ட காலம் சென்ற பின்னரே வெளிப்படும்.

பிரசரின் ஆரம்ப நிலையிலோ அல்லது சற்றுத் தீவிரம் அடைந்த நிலையிலோ வெளிப்படையாக எதுவும் தெரியாது. எனவே அத்தகைய அறிகுறிகள் தோன்றும் வரை காத்திருக்காது மருத்துவரிடம் சென்று பிரசரைப் பாருங்கள்

யாருக்கு வரும்

எவருக்கும் வரலாம் ஆயினும் கீழ்க் கண்டவர்களுக்கு பிரசர் வருவதற்கான வாய்ப்புகள் அதிகம்.

தமது குடும்பத்தில் உயர் இரத்த அழுத்தம், இருதய நோய்கள், நீரிழிவு ஆகிய நோய்கள் இருப்பவர்கள். அதாவது இந்நோய்க்கு பரம்பரை அம்சம் உள்ளது எனலாம்.

வயது 60 அல்லது அதற்கு மேற்பட்டவர்கள். வயது செல்லச் செல்ல இது ஏற்படுவதற்கான சாத்தியம் அதிகம். 
உடலுழைப்பு அற்ற வேலை செய்பவர்கள்.

அதீத எடையுள்ளவர்கள்
புகைப்பவர்கள்
அதிகமாக மதுபானம் அருந்துபவர்கள்.
தமது உணவில் உப்பு, கொழுப்பு ஆகியவற்றை அதிகம் உட்கொள்பவர்கள்.
கருத்தடை மாத்திரைகளை உட்கொள்பவர்கள்.
கர்பமாயிருக்கும் போது சில பெண்களுக்கு உயர் இரத்த அழுத்த நோய் வருவதுண்டு.

எவரும் தங்கள் இரத்த அழுத்த அளவை இடையிடையே சோதித்துப் பார்ப்பது நல்லது. ஆயினும் மேற் கூறியவர்கள் வருடம் ஒரு முறையாவது சோதித்துப் பார்ப்பது அவசியம்.

பிரசரில் நான்கு நிலைகள் உண்டு. 

அவையாவன

சாதாரண அளவு 120/80 க்கு கீழ்
முன்நிலை 140/90வரை
நிலை 1 160/100வரை
நிலை 2 160/100 க்கு மேல்

உங்கள் பிரஸரின் இரண்டு அலகுகளுமே முக்கியமானவை. முன்னைய காலங்களில் மேலே உள்ள அலகான (Systolic blood pressure(SBP) வயதிற்கு ஏற்ப அதிகரிக்கும் அதனால் அதிகம் இல்லை என நம்பப்பட்டது.

அது தவறு என பல ஆய்வுகள் மூலம் இப்பொழுது கண்டறியப்பட்டுள்ளது.

முக்கியமான 50 வயதிற்கு மேற்பட்டவர்களில் மேலே உள்ள அலகு 140க்கு மேற்பட்டால் அது உயர் இரத்த அழுத்தமே.

தனியாக கீழே உள்ள அலகு சாதாரணமாக இருந்தாலும் மேலே உள்ள அலகு மாத்திரம் அதிகரித்திருந்தால் அதனை Isolated Systolic Hypertension என்பார்கள். அதற்கும் சிகிச்சை அவசியமே.

பிரசர் உள்ளவர்கள் மேலும் செய்ய வேண்டிய பரிசோதனைகள்

இரத்தத்தில் கொலஸ்டரோல் அளவு (Lipid Profile) சிறுநீரில் புரதம் போகிறதா என அறிய சிறுநீர்ப் பரிசோதனை (Urine Full report)
சிறுநீரகம் பாதிக்கப்பட்டிருக்கிறதா என அறிய இரத்தப் பரிசோதனைகள் (Blood Urea, Creatinine) 

குருதி உப்பு அளவுகள் (Serum Electrolytes) ஈசிஜி (ECG)ஆல்ரா சவுண்ட் ஸ்கான் (Ultrasound Scan abdomen Kidney) 

வருடம் ஒருமுறையாவது கண்பரிசோதனை- விழித்திரையில் குருதிக் கசிவு, நீர்க் கசிவு ஆகியவற்றால் பார்வை இழப்பைத் தவிர்ப்பதற்காக.

பிரஸரைக் கட்டுப்படுத்த, அல்லது அது வராமலே தடுக்க நீங்கள் செய்ய வேண்டியவை எவை?

உங்கள் எடையை உங்கள் உயரத்திற்கு ஏற்ற அளவில் சரியாகப் பேணுங்கள்.உங்கள் வாழ்க்கை முறையில் உடல் உழைப்புக்கு அல்லது உடற் பயிற்சிக்கு போதிய இடம் கொடுங்கள்.

உங்கள் உணவு முறைகளை நல்லாரோக்கியத்திற்கு ஏற்றதாக மாற்றுங்கள். முக்கியமாக எடை அதிகரிகக் கூடிய இனிப்பு, கொழுப்பு, மற்றும் துரித உணவுகளைக் குறைத்த காய்கறி, பழவகைகள் ஆகியவற்றை அதிகளவில் சேருங்கள்.உணவில் உப்பின் அளவைக் குறையுங்கள்.

புகைத்தலைத் தவிருங்கள்.மதுவையும் தவிருங்கள், முடியாவிட்டால் அதன் அளவைக் கட்டுப்படுத்துங்கள்.உங்களுக்குச் சிபார்சு செய்யப்பட்ட மருந்தை ஒழுங்காக உபயோகியுங்கள்.

மருத்துவரின் ஆலோசனையின்றி மருந்துகளின் அளவைக் கூட்டவோ குறைக்கவோ வேண்டாம்

பிரஸர் பற்றி கட்டாயம் அறிய வேண்டியவை

"எனக்கு தலைச்சுற்று இல்லை, தலையிடி இல்லை, களைப்போ சோர்வோ இல்லை, ஆனால் டாக்டர் பிரஸர் என்று சொல்கிறாரே" என நீங்கள் ஆச்சரியப்படுவீர்கள்.ஆனால் அதுதான் உண்மை. பிரஸர் என்பது அறிகுறிகள் அற்ற நோய். எனவேதான் பெருந் தொகையான மக்கள் தங்களுக்குப் பிரஸர் (உயர் இரத்த அழுத்தம்) இருப்பதை அறியாமலே இருக்கிறார்கள். 

சிலர் அறிவதற்கு முன்னரே அதன் பாதிப்புகளால் இறந்து போகவும் கூடும்.

கடுமையான பாதிப்புகள்

எந்தவித வெளிப்படையான அறிகுறிகள் இல்லாவிட்டாலும் இந்நோய் ஆபத்தானது. ஏனெனில் பிரஸர் நீண்ட காலம் இருந்தால் அவருடைய உறுப்புகள் காலகதியில் பாதிக்கப்படும்.
பிரஸர் இருதயத்திற்கான வேலைப்பளுவை அதிகரிக்கிறது. அதைக் கட்டுப்படுத்தாவிட்டால் எதிர் காலத்தில் இருதய வழுவலுக்கு (Heart failure) இட்டுச் செல்லலாம்.
உயர் இரத்த அழுத்தம் இருந்தால் இரத்தக் குழாய்கள் தடிப்படைகின்றன. இதனால் மாரடைப்பு போன்ற இருதய நோய்கள் எதிர்காலத்தில் ஏற்படலாம்.
பக்கவாதம் (Stroke) ஏற்படலாம்.
சிறுநீரகப் பாதிப்பும் பின் சிறுநீரகச் செயலிழப்பும் (Renal failure) ஏற்படலாம். இது சிறுநீரக மாற்று அறுவைச் சிகிச்சைக்கு இட்டுச் செல்லலாம்.
விழித்திரையின் இரத்தக் குழாய்கள் பாதிப்படைவதால் பார்வை இழப்பு நேரிடலாம்.


கடுமையான நிலையின் அறிகுறிகள்

இத்தகைய பாதிப்புகள் உள்ளுரப் பாதிக்க ஆரம்பித்த பின்னரே அறிகுறிகள் வெளிப்படையாக தெரியத் தொடங்கும்;.

உதாரணமாக 

கடுமையான தலையிடி

மூக்கால் இரத்தம் வடிதல்

பார்வை மங்கல்

மூச்செடுப்பதில் சிரமம்

கால் வீக்கம்

போன்ற அறிகுறிகள் நோய் தீவிரமாகி நீண்ட காலம் சென்ற பின்னரே வெளிப்படும்.

பிரசரின் ஆரம்ப நிலையிலோ அல்லது சற்றுத் தீவிரம் அடைந்த நிலையிலோ வெளிப்படையாக எதுவும் தெரியாது. எனவே அத்தகைய அறிகுறிகள் தோன்றும் வரை காத்திருக்காது மருத்துவரிடம் சென்று பிரசரைப் பாருங்கள்

யாருக்கு வரும்

எவருக்கும் வரலாம் ஆயினும் கீழ்க் கண்டவர்களுக்கு பிரசர் வருவதற்கான வாய்ப்புகள் அதிகம்.

தமது குடும்பத்தில் உயர் இரத்த அழுத்தம், இருதய நோய்கள், நீரிழிவு ஆகிய நோய்கள் இருப்பவர்கள். அதாவது இந்நோய்க்கு பரம்பரை அம்சம் உள்ளது எனலாம்.

வயது 60 அல்லது அதற்கு மேற்பட்டவர்கள். வயது செல்லச் செல்ல இது ஏற்படுவதற்கான சாத்தியம் அதிகம். 
உடலுழைப்பு அற்ற வேலை செய்பவர்கள்.

அதீத எடையுள்ளவர்கள்
புகைப்பவர்கள்
அதிகமாக மதுபானம் அருந்துபவர்கள்.
தமது உணவில் உப்பு, கொழுப்பு ஆகியவற்றை அதிகம் உட்கொள்பவர்கள்.
கருத்தடை மாத்திரைகளை உட்கொள்பவர்கள்.
கர்பமாயிருக்கும் போது சில பெண்களுக்கு உயர் இரத்த அழுத்த நோய் வருவதுண்டு.

எவரும் தங்கள் இரத்த அழுத்த அளவை இடையிடையே சோதித்துப் பார்ப்பது நல்லது. ஆயினும் மேற் கூறியவர்கள் வருடம் ஒரு முறையாவது சோதித்துப் பார்ப்பது அவசியம்.

பிரசரில் நான்கு நிலைகள் உண்டு. 

அவையாவன

சாதாரண அளவு 120/80 க்கு கீழ்
முன்நிலை 140/90வரை
நிலை 1 160/100வரை
நிலை 2 160/100 க்கு மேல்

உங்கள் பிரஸரின் இரண்டு அலகுகளுமே முக்கியமானவை. முன்னைய காலங்களில் மேலே உள்ள அலகான (Systolic blood pressure(SBP) வயதிற்கு ஏற்ப அதிகரிக்கும் அதனால் அதிகம் இல்லை என நம்பப்பட்டது.

அது தவறு என பல ஆய்வுகள் மூலம் இப்பொழுது கண்டறியப்பட்டுள்ளது.

முக்கியமான 50 வயதிற்கு மேற்பட்டவர்களில் மேலே உள்ள அலகு 140க்கு மேற்பட்டால் அது உயர் இரத்த அழுத்தமே.

தனியாக கீழே உள்ள அலகு சாதாரணமாக இருந்தாலும் மேலே உள்ள அலகு மாத்திரம் அதிகரித்திருந்தால் அதனை Isolated Systolic Hypertension என்பார்கள். அதற்கும் சிகிச்சை அவசியமே.

பிரசர் உள்ளவர்கள் மேலும் செய்ய வேண்டிய பரிசோதனைகள்

இரத்தத்தில் கொலஸ்டரோல் அளவு (Lipid Profile) சிறுநீரில் புரதம் போகிறதா என அறிய சிறுநீர்ப் பரிசோதனை (Urine Full report)
சிறுநீரகம் பாதிக்கப்பட்டிருக்கிறதா என அறிய இரத்தப் பரிசோதனைகள் (Blood Urea, Creatinine) 

குருதி உப்பு அளவுகள் (Serum Electrolytes) ஈசிஜி (ECG)ஆல்ரா சவுண்ட் ஸ்கான் (Ultrasound Scan abdomen Kidney) 

வருடம் ஒருமுறையாவது கண்பரிசோதனை- விழித்திரையில் குருதிக் கசிவு, நீர்க் கசிவு ஆகியவற்றால் பார்வை இழப்பைத் தவிர்ப்பதற்காக.

பிரஸரைக் கட்டுப்படுத்த, அல்லது அது வராமலே தடுக்க நீங்கள் செய்ய வேண்டியவை எவை?

உங்கள் எடையை உங்கள் உயரத்திற்கு ஏற்ற அளவில் சரியாகப் பேணுங்கள்.உங்கள் வாழ்க்கை முறையில் உடல் உழைப்புக்கு அல்லது உடற் பயிற்சிக்கு போதிய இடம் கொடுங்கள்.

உங்கள் உணவு முறைகளை நல்லாரோக்கியத்திற்கு ஏற்றதாக மாற்றுங்கள். முக்கியமாக எடை அதிகரிகக் கூடிய இனிப்பு, கொழுப்பு, மற்றும் துரித உணவுகளைக் குறைத்த காய்கறி, பழவகைகள் ஆகியவற்றை அதிகளவில் சேருங்கள்.உணவில் உப்பின் அளவைக் குறையுங்கள்.

புகைத்தலைத் தவிருங்கள்.மதுவையும் தவிருங்கள், முடியாவிட்டால் அதன் அளவைக் கட்டுப்படுத்துங்கள்.உங்களுக்குச் சிபார்சு செய்யப்பட்ட மருந்தை ஒழுங்காக உபயோகியுங்கள்.

மருத்துவரின் ஆலோசனையின்றி மருந்துகளின் அளவைக் கூட்டவோ குறைக்கவோ வேண்டாம்

மீண்டும் கிறீஸ் மனிதர்கள்..!

மீண்டும் கிறீஸ் மனிதர்கள்..!

கிறீஸ் மனிதர்கள்!

இலங்கையை சில மாதங்களுக்கு முன்னர் பீதியில் உறையவைத்திருந்த மனிதப் பயங்கரம்.

இரத்தினபுரி கஹவத்தை பகுதியில் இடம்பெற்ற கொலைச்சம்வம் ஒன்றையடுத்து அங்கு மர்ம நபர்கள் நடமாடுவதாக அடிக்கடி செய்திகள் வெளிவந்தன. அதனையடுத்து அதே நிலை இலங்கையில் பல்வேறு பாகங்களுக்கும் பரவத் தொடங்கியது.

கிறீஸ் மனிதர்கள் பற்றி அறியாதவர்கள் இல்லை எனலாம்.

இது இவ்வாறிருக்க பேஸ்புக் வழியாக கிறீஸ் மனிதர்கள் தங்கள் வேலையைக் காட்டத் தொடங்கியிருப்பதுதான் புதுக் கதை.
ஆச்சரியமாக இருக்கிறதா?

ஆம்! சமூக வலைத்தளங்களில் இளையோரை வெகுவாகக் கவர்ந்து வருகிறது பேஸ்புக். பெரும்பாலான இளைஞர்களின் அன்றாடத் தேவைகளில் ஒன்றாக இது மாறிவிட்டது. சுருக்கமாகச் சொல்வதானால் பேஸ்புக் இல்லை என்றால் அன்றைய நாளில் சுவாரஷ்யமே இல்லை என்றுதான் பலர் நினைக்கிறார்கள்.
இதனை சாதகமாகப் பயன்படுத்திக்கொள்ளும் சில விஷமிகள் ‘கிறீஸ் யகா’ (கிறீஸ் மனிதர்கள்) என்ற பெயரில் தமது விளையாட்டுக்களை ஆரம்பித்திருக்கிறார்கள்.

காமம் கலந்த வார்த்தைகளை மற்றொருவரின் தனிப்பட்ட கணக்குக்கு அனுப்புதல், நிர்வாண தோற்றமுடையோருடைய தோற்றங்களை உண்மை முகங்கொண்டோருக்குப் பொருத்தி புகைப்படமாக வெளியிடுதல் உள்ளிட்ட பல்வேறு முறையற்ற செயற்பாடுகளில் இந்த கிறீஸ் மனிதர்கள் இறங்கியிருக்கிறார்கள்.

“எனக்கு இப்படிச் செய்வார்கள் என நான் நினைக்கவேயில்லை. யார் என்று தெரிந்தால் கொலை செய்யக் கூடத் தயங்கமாட்டேன்” எனக் கூறுகிறாள் கொழும்பில் பிரபல தனியார் கல்வி நிறுவனத்தில் கற்கும் ஆஷா (பெயர் மாற்றப்பட்டுள்ளது).

இந்தப் பெண்ணுக்கு கிறீஸ் மனிதன் கொடுத்த தொந்தரவை விரிவாக எழுதிவிட முடியாது.

ஆறு மாத காலங்களுக்கு முன்பு கிறீஸ் யகா என்ற பெயரில் நட்பு விண்ணப்பம் கிடைக்கப்பெற்றுள்ளது.

தனது நண்பர் கூட்டங்களில் யாராவதுதான் இந்தப் பெயரில் விளையாட்டுக்காக இப்படிச் செய்திருக்கிறார்கள் என் நினைத்து அந்த விண்ணப்பத்தை ஏற்றுக்கொண்டிருக்கிறாள் ஆஷா.

யார் நீங்கள்? எங்கு இருக்கிறீர்கள்? விபரம் சொல்லுங்கள்? என்று ஆஷா கேள்விகள் கேட்க, சின்னச் சின்ன குறும்புத்தனமான பதில்களுடன் உறவு தொடர்ந்திருக்கிறது.

தனிப்பட்ட மெசேஜ்களைத் தவிர வேறு எந்தவிதமான நடவடிக்கைகளையும் பேஸ்புக்கில் இவர்கள் மேற்கொண்டதில்லை.
இப்படியிருக்கையில் இம்மாத முதல் வாரத்தில் ஒருநாள் இரவுதான் பிரச்சினைக்குரிய அந்த உரையாடல் ஆரம்பமானது.

‘ஹாய் ஆஷா உங்களுக்கு செக்ஸில் ஆர்வம் இல்லையா?’இது அந்த மர்ம கிறீஸ் மனிதரிடமிருந்து கிடைத்த முதல் மெசேஜ்.
இதற்குப் பதில் அனுப்ப விரும்பாத ஆஷா தொடர்பை துண்டித்துக்கொள்வதாகக் தெரிவித்துள்ளார்.

‘கொஞ்சம் பொறு, படம் ஒன்றை அனுப்புகிறேன். பார்த்துவிட்டு முடிவை சொல்’- என அந்த நபரிடமிருந்து மீண்டும் மெசேஜ் வந்த மறு நிமிடம் பார்க்கவே சகிக்க முடியாத அந்தப் படம் ஆஷாவுக்குக் கிடைத்தது.

ஆம்! பிரித்தானியாவிலிருந்து வெளியாகும் ஆங்கில சஞ்சிகையொன்றுக்கு நடிகையொருவர் கொடுத்த நிர்வாண போஸ் ஒன்றின் தலைப் பகுதியை மாற்றி ஆஷாவின் படம் உள்ளடக்கப்பட்டிருந்தது.

கொஞ்சம் கூட எண்ணியிராத கனத்தில் வானமே இடிந்துவிழுந்தாற்போல இருந்தது ஆஷாவுக்கு!

இந்தப் பிரச்சினை ஆஷாவுக்கு முதல் தடவையாக ஏற்பட்ட போதிலும் இளவயதுப் பெண்கள் பலர் கிறீஸ் மனிதர்களால் பாதிக்கப்பட்டுள்ளனர்.
ஆஷாவைப் போன்று துணிந்து முறைப்பாடு செய்ய முன்வராதவர்கள் பலர் இருக்கிறார்கள்.
கிறீஸ் மனிதன் என்ற பெயரில் பல்வேறு பேஸ்புக் கணக்குகள் ஆரம்பிக்கப்பட்டுள்ளன. இந்தப் பெயரில் உருவாக்கப்பட்ட கணக்குகள் நிச்சயமாக நல்ல நோக்கத்துக்காக இல்லை என்பதை அவ்வந்த கணக்குகளுக்குச் சொந்தமான படங்களே வெளிச்சமிட்டுக்காட்டுகின்றன.

நாம் மேற்சொன்னது ஒரு சம்பவம்தான். இன்னும் பல சம்பவங்கள் இருக்கின்றன.

அநேகமானோருக்கு கிறீஸ் மனிதர்களிடமிருந்து கடுமையான தொனியில் எச்சரிக்கை மடல்கள் கிடைத்திருக்கின்றன.

இரவில் நடமாட வேண்டாம், நான் பின்தொடர்வேன், மரணம் வெகுதூரத்தில் இல்லை, நான் மீண்டும் பிறப்பெடுத்துள்ளேன் போன்ற வசனங்கள் அடங்கியதாக எச்சரிக்கை விடுக்கப்பட்டுள்ளது.

இது குறித்து இலங்கை கணனி அவசர உதவி மற்றும் பொறுப்புக் கூறலுக்கான குழுவின் சிரேஷ்ட பொறியியலாளர் ரொஷான் சந்திரகுப்தா வீரகேசரி இணையத்தளத்துக்கு தகவல் தருகையில்,
கிறீஸ் மனிதன் என்ற பிரச்சினை நம் நாட்டில் இருந்த காலகட்டங்களில் இவ்வாறான கணக்குகள் ஆரம்பிக்கப்பட்டு இணையவழிகளில் பெரும் பிரச்சினையாய் இருந்தது. எனினும் நாம் அவ்வாறான பல கணக்குகளை நீக்கினோம். இப்போது மீண்டும் பிரச்சினை ஆரம்பித்திருக்கிறது.

இங்கு முக்கியமாகக் குறிப்பிடப்பட வேண்டிய விடயம் என்னவென்றால், பாதிக்கப்படும் பலர் முறைப்பாடு செய்யத் தயங்குகிறார்கள் என்பதுதான்.

பாதிக்கப்பட்டவர்களின் பெயர் விபரங்களை நாம் வெளியிடுவோம் என்ற அச்சத்தில் அவர்கள் முறையிட விரும்புவதில்லை. அதேபோன்று வெளிநபர்களுக்கும் சொல்வற்கு கூச்சப்படுகிறார்கள்.

இதனால் இவ்வாறான விஷமிகளின் நடவடிக்கைகளும் அதிகரித்துச் செல்கிறது.

பாதிக்கப்பட்டவர்கள் எமக்கு அறியத்தந்தால் நாம் உடனடியாக நடவடிக்கை எடுக்கவும் உரிய ஆலோசனைகள் வழங்கவும் தயாராக இருக்கிறோம்.
சமூக வலைத்தளங்களில் கிறீஸ் மனிதர்கள் குறித்து நாம் நடவடிக்கை எடுத்து வருகிறோம் எனத் தெரிவித்தார்.

பேஸ்புக்கில் இவ்வாறு முறையற்ற நடவடிக்கைகளில் ஈடுபடும் நபர்கள் குறித்து அதன் நிர்வாகத்துக்கு அறிவிப்பதன் ஊடாக பாதிப்புகளை தவிர்த்துக்கொள்ள முடியும்.

ஆனால் அவ்வாறு அறிவிப்பதில் தமது விபரங்கள் வெளியிடப்படுமோ எனப் பலர் அஞ்சுகின்றனர். இந்த அச்ச உணர்வைத் தவிர்த்து குற்றச் செயல்கள் புரிவோர் தொடர்பாக உடனடியாக அறிவிப்பதே சாலச் சிறந்ததாகும்
.

தனுஷின் நையாண்டி : 4 நாட்களில் 20 காட்சிகளை படமாக்கினார் சற்குணம்

தனுஷின் நையாண்டி : 4 நாட்களில் 20 காட்சிகளை படமாக்கினார் சற்குணம்

களவாணி, வாகை சூடவா படங்களை அடுத்து சற்குணம் தனுஷை வைத்து நையாண்டி படத்தினை இயக்குகிறார்.

இப்படத்தின் படப்பிடிப்புக்கள் கடந்த வாரம் ஆரம்பமானது. படப்பிடிப்புக்கள் ஆரம்பமாகி 4 நாட்களிலேயே 20 காட்சிகளை மிக வேகமாக படமாக்கியுள்ளார் சற்குணம்.

இது குறித்து தனுஷ் கூறுகையில், நாலே நாட்களில் 20 அட்டகாசமான நகைச்சுவைக் காட்சிகளை படமாக்கினார் இயக்குனர் சற்குணம், அவருடைய திட்டமிடல் மிகவும் துல்லியமாக இருந்தது, இந்த குழுவில் இடம் பெற்றுள்ளதை பெருமையாக கருதுகிறேன் என மகிழ்ச்சி தெரிவித்தார்.

முருகராஸ் தயாரிக்கும் இப்படத்தில் தனுஷ், நஸ்ரியா, சூரி, சரண்யா பொன்வண்னன் மற்றும் பலர் நடிக்கின்றனர்
.

ஆண்களுக்கு மட்டும்..!

ஆண்களுக்கு மட்டும்..!

ரஷ்யாவின் பின்தங்கிய பிராந்தியமொன்றில் உள்ள 23 கிராமங்கள் பெண்கள் எவரையும் கொண்டிராது ஆண்களை மட்டும் முழுமையாக கொண்டுள்ளமை தரவுகள் மூலம் தெரியவந்துள்ளது.

இங்கு ஆண்கள் மட்டுமே வாழ்ந்து வருகின்றனர்.

கிரனோயர்ஸக் பிராந்தியத்திலுள்ள இந்த 23 கிராமங்களிலும் பெண் ஒருவர் கூட இல்லை என ரஷ்யாவின் புதிய புள்ளிவிபரத் தகவல்கள் தெரிவிக்கின்றன.

குடும்பத்தில் தனியொரு ஆண் மாத்திரம் வாழும் நான்கு கிராமங்களும் இவற்றில் உள்ளடங்குகின்றன.

இப்பிராந்தியத்தில் நிலவும் மோசமான காலநிலையே சனத்தொகை குறைவுக்குக் காரணம் என சுட்டிக்காட்டப்பட்டுள்ளது.

அங்கு குளிர் காலத்தில் 40 பாகை செல்சியஸ் வெப்பநிலை நிலவுவதுடன் கோடை காலத்தில் கடும்ட வெப்பநிலை நிலவுகிறது
.

ஹன்சிகாவுக்கும் பிடித்தமான ஹீரோ ஆர்யாதானாம்!

அது என்ன மாயமோ தெரியவில்லை எந்த நடிகை கோடம்பாக்கத்தில் கால் பதித்தாலும், அவர்கள் வந்த வேகத்திலேயே ஆர்யாவின் அபிமானியாகி விடுகிறார்கள்.

அந்த அளவுக்கு தன்னுடன் நடிக்காத நடிகைகளாகவே இருந்தால்கூட, புதுவரவு நடிகைகளை தேடிப்பிடித்து சென்று நலம்குலம் விசாரிக்கும் ஆர்யா, கம் மாதிரி அவர்களின் மனதில் ஒட்டிக்கொள்கிறார்.

அடிக்கடி அவர்களுக்கு போன் போட்டும் நட்பை தண்ணீர் ஊற்றி வளர்க்கிறார். இப்படி தன்னுடன் நடிக்காத நடிகைகளையே அவர் விட்டு வைக்காதபோது, தன்னுடன் ஜோடி போட்ட நடிகைகளை விட்டு விடுவாரா என்ன?

அப்படி அவருடன் சேட்டை படத்தில் ஜோடி போட்டுள்ள ஹன்சிகாவிடம் தற்போது நடித்து வரும் சூர்யா, ஆர்யா,சிம்பு, கார்த்தி ஆகியோரில் உங்களுக்கு மிகப்பிடித்தமான நடிகர் யார்? என்று கேட்டால், நொடிப்பொழுதும் யோசிக்காமல் ஆர்யா என்கிறார்.

காரணம், அவர் பார்ப்பதற்கு ரப்பாக தெரிவார். ஆனால் பழகிப்பார்த்தால் ரொம்ப சாப்ட்டானவர். எப்போதுமே சுயநலம் கருதாமல், மற்றவர்களின் நலனில் கூடுதல் அக்கறை செலுத்துவார்.

அந்த வகையில், எனக்காக அவர் எவ்வளவோ செய்திருக்கிறார். அதனால் நான் இதுவரை எத்தனை நடிகர்களுடன் நடித்திருந்தாலும், அவர்களில் என் மனதில் இடம் பிடித்தவர் யார் என்றால், அது ஆர்யாதான் சொல்வேன்.

இதனால் மற்ற ஹீரோக்கள் கோபித்துக்கொண்டாலும் எனக்கு கவலையில்லை.

காரணம் மனதில் உள்ளதை எனக்கு மறைக்கத் தெரியாது என்கிறார் ஹன்சிகா.

கூடாத உறவு: கூகுளை ஒத்த சேவையில் சிக்கியது!

கூடாத உறவு: கூகுளை ஒத்த சேவையில் சிக்கியது!

தொழில்நுட்ப வசதிகள் சிலவேளைகளில் துரோகம் செய்வோரையும் காட்டி கொடுத்து விடுகின்றது.
இதனை உறுதிப்படுத்தும் வகையிலான சம்பவமொன்று ரஸ்யாவில் இடம்பெற்றுள்ளது.
ரஸ்யாவில்  யுவதியொருவர் தனது காதலன் வேறொரு பெண்ணுடன் உல்லாசமாக நடந்து செல்வதை கூகுள் மெப்ஸைப் போன்ற சேவையொன்றின் மூலம் கண்டுபிடித்துள்ளார்.

இது குறித்து மேலும் தெரியவருவது.
மரினா வொயினோவா என்ற 24 வயதுப் பெண்ணொருவர் இடமொன்றைத் தேடும் பொருட்டு கூகுள் மெப் சேவைக்கு ஒத்த  யாண்டெக் மெப்பினை உபயோகித்துள்ளார்.

இதன்போது அவர் கண்ட காட்சி அவரை பெரும் அதிர்ச்சியில் ஆழ்த்தியுள்ளது.
ஆம் தனது காதலன் வேறொரு பெண்ணுடன் உல்லாசமாக செல்லும் காட்சியை அவர் அதில் கண்டுள்ளார்.
சுமார் 5 வருடங்கள் தன்னைக் காதலித்த நபர் இவ்வாறு செய்ததை அவரால் ஏற்றுக்கொள்ள முடியவில்லை.
இதனையடுத்து தன் காதலன் வீட்டுக்கு வந்ததும் அவரிடம் இதனைக் காட்டியுள்ளார்.  இதனை சற்றும் எதிர்ப்பார்க்காத காதலன் அதிர்ச்சியில் உறைந்துள்ளார்.
இதனையடுத்து மரினா தனது காதலைவிட்டு பிரிந்துள்ளார். முதலில் ஏன் இச்சேவையை உபயோகித்தோம் என வருந்தியதாகவும் ஆனால் பின்னர் தனது காதலின் உண்மையான முகம் வெளியாகியதை எண்ணி ஆறுதல் அடைந்ததாகவும் தெரிவித்துள்ளார்.
யாண்டெக்ஸ் என்பது ரஸ்யாவைச் சேர்ந்தஇணைய நிறுவனமொன்றின் தயாரிப்புகளில் ஒன்றாகும்.
இதன் தேட பொறி உலகின் 5 ஆவது மிகப்பெரிய தேடல்பொறியாகும்.  இது தவிர பல்வேறு இணையம் சார் சேவைகளையும் யாண்டெக்ஸ் நடத்தி வருகின்றது
.

புலம்பெயர்ந்துள்ள புலிகளே எமது அரச இணையத் தளங்களைத் ஹாக் செய்கின்றனர்- இலங்கை அரசாங்கம்

புலம்பெயர்ந்துள்ள புலிகளே எமது அரச இணையத் தளங்களைத் ஹாக் செய்கின்றனர்- இலங்கை அரசாங்கம்

கணினி முறைப் பயங்கரவாத நடவடிக்கைகளை வெளிநாடுகளிலுள்ள தமிழீழ விடுதலைப் புலிகள் இலங்கையின் இணையத் தளங்கள் மீது மேற்கொள்வதாக அரசாங்கம் குற்றச்சாட்டியுள்ளது. ஊடக மற்றும் தகவல்கள் அமைச்சின் இணையத்தளங்கள உள்பட பல்வேறு தளங்கள் தாக்குதலுக்குள்ளான நிலையிலேயே இக்குற்றச்சாட்டை அரசாங்கம் முன்வைத்துள்ளது.

ஐக்கிய நாடுகள் சபையின் மனித உரிமைகள் பேரவையின் அமர்வில் இலங்கை மனித உரிமைகள் மீறல் குற்றச்சாட்டுகள் முன்வைக்கப்பட்ட நிலையில் இத்தாக்குதல்கள் முக்கியத்துவம் பெறுகின்றது என்று ஊடக அமைச்சின் செயலாளர் ஷரித்த ஹேரத் தெரிவித்துள்ளார்.

இது தொடர்பில் அவர் மேலும் தெரிவிக்கையில்,

வெளிநாடுகளிலுள்ள புலிகள் பல முனைகளில் தொழிற்படுகின்றனர். அவற்றில் ஒன்று தான் இலங்கை அரசாங்கத்தின் இணைத்தளங்கள் மீதான தாக்குதல்.

ஊடக அமைச்சின் இணையத்தளமான media.gov.lk தாக்கப்பட்டு, யுத்தத்தின் இறுதிக்கட்டத்தில் இடம்பெற்றதாக கூறப்படும் சில கொடூரங்களை காட்டும் ஒரு இணைப்பை ஏற்றியிருந்தது.

அதில் அப்பாவி தமிழர்களை கொல்வதை நிறுத்துங்கள் அல்லது எமது தாக்குதலை எதிர்கொள்ள தயாராக இருங்கள் என்ற செய்தியும் காணப்பட்டது. என்றார்.

இது கதிர்வேலன் காதல்' படப்பிடிப்புக்கள்

ஆரம்பமாகிறது 'இது கதிர்வேலன் காதல்' படப்பிடிப்புக்கள்

நயன்தாரா மற்றும் உதயநிதி ஸ்டாலின் இணைந்து நடிக்கவுள்ள 'இது கதிர்வேலன் காதல்' திரைப்படத்தின் படப்பிடிப்புக்கள் நாளை முதல் ஆரம்பமாகவுள்ளது.
ரெட் ஜெயன்ட் மூவீஸ் தயாரிப்பில் உருவாகவுள்ள இப்படத்தினை எஸ். ஆர். பிரபாகரன் இயக்க ஹாரிஸ் ஜெயராஜ் இசையமைக்கவுள்ளார்.
மேலும் நயன்தாரா, உதயநிதி ஸ்டாலின், சந்தானம் மற்றும் சூரி ஆகியோர் முக்கிய பாத்திரத்தில் நடிக்கின்றனர்.
இப்படத்தின் படப்பிடிப்புக்கள் நாளை முதல் ஆரம்பமாகவுள்ளது. முதற்கட்ட படப்பிடிப்புக்கள் சென்னையில் ஆரம்பமாகிறது. முதலில் உதயநிதி ஸ்டாலினின் காட்சிகள் படமாக்கப்படவுள்ளது. அடுத்த வாரம் நயன்தாரா படப்பிடிப்பில் கலந்துகொள்வார்.
உதயநிதி ஸ்டாலின் ஹீரோவாக அறிமுகமான 'ஒரு கல் ஒரு கண்ணாடி' திரைப்படத்தின் வெற்றிக்குப் பின்னர் 'இது கதிர்வேலன் காதல்' படத்தில் நடிக்கிறார் உதயநிதி.
இதிலும் சந்தானம் காப்பாற்றுவாரா
?

மீண்டும் நாயகனாக களமிறங்குகிறார் சந்தானம்

மீண்டும் நாயகனாக களமிறங்குகிறார் சந்தானம்

'கண்ணா லட்டு தின்ன ஆசையா' படத்தின் வெற்றிக்குப் பின்னர் மீண்டும் நாயகனாக களமிறங்குகிறார் சந்தானம்.
'நான் ஈ' படத்தின் இயக்குனர் எஸ்.எஸ். ராஜமௌலி வெளியான 'மரியாத ராமண்ணா' என்ற நகைச்சுவைப் படத்தின் ரீமேக்கிலேயே மீண்டும் நாயகன் அவதாரம் எடுக்கிறார் சந்தானம்.
இப்படத்தினை முத்திரை படத்தின் இயக்குனர் ஸ்ரீநாத் இயக்கவுள்ளார். மேலும் இப்படத்தில் சந்தானம் நாயகனாக மட்டுமல்லாமல் தயாரிக்கவும் தயாராகியுள்ளதாக தெரிவிக்கப்படுகிறது.
கண்ணா இன்னுமொரு லட்டுத் தின்ன ஆசையா
?

வெளியாகிறது அஜித்தின் வலை

ஜுலையில் வெளியாகிறது அஜித்தின் வலை

அஜித் - விஷ்னுவர்த்தன் கூட்டணியின் உருவாகும் படத்திற்கு ஒரு வழியாக 'வலை' என்ற தலைப்பை
உறுதி செய்துள்ளனர்படக்குழுவினர்.
பெரும் எpதிர்பார்ப்புக்களிடையே உருவாகிவரும் இப்படத்தின் தலைப்பு குறித்து ரசிகர்கள் அடித்துக்கொள்ளாத குறையாக சமூக வலைத்தளங்களில் கேள்வி கேட்க ஆரம்பித்துவிட்டார்கள்.
இந்நிலையில் படத்தின் தயாரிப்பாளர் ஏ.எம். ரத்தினம் கூறுகையில், 'படத்திற்கு வலை என்பதுதான் தலைப்பு. ஆனால் மாறினாலும் மாறக்கூடும். அஜித் பிறந்த நாள்ன்று படத்தை வெளியிடுவது சாத்தியமில்லை. எப்படிப் பார்த்தாலும் ஜூன் இறுதி வரை பணிகள் நடக்கும். ஜூலையில் படத்தை வெளியிடும் திட்டமுள்ளது,' என்றார்.
தற்போது படத்தின் 90 சதவீதமான படப்பிடிப்புக்கள் முடிவடைந்துள்ளது. இதேவேளை படத்தின் போஸ்ட் புரடக்ஸன் பணிகளை ஆரம்பித்துள்ளனர்.டுபாயில் தற்போது முகாமிட்டிருக்கும் வலை படக்குழுவினர், மார்ச் முதல் வாரம் அங்கு படப்பிடிப்புக்களை முடித்துக்கொண்டு தமிழகம் திரும்புக்கிறது. மேலும் சில காட்சிகள் தமிழக்திலும் படமாக்கப்படவுள்ளதாம்.
ஏற்கனவே பைக், போட் என அஜித் அசத்த பதிலுக்கு ஏ.எம். ரத்தினம் தலைப்பு, வெளியீடு பற்றி பேச தல ரசிகர்கள் கொண்டாட்டத்தில் மிதப்பதை காட்டிக்கொடுக்கிறது சமூக வலைத்தளங்கள்.

மீண்டும் விஜயுடன் இணைகிறார் அசின்

மீண்டும் விஜயுடன் இணைகிறார் அசின்

விஜய் நடிக்கவுள்ள புதிய படமொன்றினூடாக மீண்டும் கொலிவூட்டுக்கு வருகிறார் நடிகை அசின்.
பொலிவூட்டில் கால்பதித்த அசின் தொடர்ச்சியாக வெற்றிப்படங்களைக் கொடுத்தார். இதனால் தழிழ் பக்கம் தலைகாட்டுவதையே தவிர்த்து வந்தவர் காவலன் படத்தில் நடித்தார்.
தற்போது மீண்டும் ஏ.ஜீ.எஸ் நிறுவனத்தின் தயாரிப்பில் விஜய் நடிக்கவுள்ள புதிய படத்தின் நாயகியாக அசின் ஒப்பந்தம் செய்யப்பட்டுள்ளதாக தகவல்கள் வெளியாகியுள்ளது.
ஏ.ஜி.எஸ் நிறுவனம் ஏற்கனவே ரஜினி படத்திற்கான இயக்குனராக கே.வீ. ஆனந்தினை ஒப்பந்தம் செய்திருந்தது. தற்போது அப்படம் கைவிடப்படும் நிலையில் உள்ளது.
இதனால் விஜய் - கே.வீ. ஆனந்தினை இணைத்து புதிய படமொன்றினை தயாரிக்க முடிவு செய்துள்ளனராம். இப்படத்திலேயே விஜய் ஜோடியாக அசின் நடிப்பார் எனத் தெரிவிக்கப்படுகிறது.

காதலி புறப்படுவதை தடுத்த காதலனுக்கு கைவிலங்கு

வியாழக்கிழமை, 21 பெப்ரவரி 2013 11:41 0 COMMENTS

காதலி தனது நாட்டுக்கு புறப்படுவதை விரும்பாமல் தந்திரமொன்றை செய்த காதலன் விளக்கமறியலில் வைக்கப்பட்டுள்ளார்.

காதலர் தினத்தை கொண்டாடிய காதலியோ தனது நாட்டுக்கு புறப்பட்டு சென்றுவிட்டார். இந்த சம்பவம் கல்கிஸை பகுதியிலேயே இடம்பெற்றுள்ளது.

சம்பவம் தொடர்பில் மேலும் தெரியவருவதாவது,

பிலிப்பைன்ஸ் நாட்டு காதலியுடன் இலங்கையர் ஒருவர் காதலர் தினத்தை கொண்டாடுவதற்காக இலங்கைக்கு வருகைதந்தார்.

இந்த ஜோடி கல்கிசையிலுள்ள ஒரு ஹோட்டலில் காதலர் தினத்தை கொண்டாடியது. இதன்பின்னர் குறித்த பெண் தனது நாட்டுக்கு திரும்புவதற்கு விமான நிலையத்திற்கு பயணமானார்.

தனது காதலியை பிரிய விரும்பாத இலங்கையரான காதலன் தனது பணத்தையும் பெறுமதியான பொருட்களையும் திருடிச்சென்றுக்கொண்டு தனது காதலி சென்றுவிட்டதாக கல்கிஸை பொலிஸில் முறைப்பாடு செய்துள்ளார்.

விரைந்து செயற்பட்ட பொலிஸார் குறித்த பெண் விமான நிலையம் செல்வதற்கு முன்னர் கைது செய்தனர்.

சந்தேகத்தின் பேரில் கைது செய்த பொலிஸார் அவரிடம் விசாரணைகளை மேற்கொண்டனர். அதன் போது குறித்த பெண் எந்தவிதமான பொருட்களையும் எடுத்துச் செல்லவில்லை என்பது விசாரணைகளில் இருந்து தெரியவருகின்றது.

இதனையடுத்து சந்தேகத்தின் பேரில் காதலனை கைது செய்த பொலிஸார் அவரிடம் மேற்கொண்ட விசாரணைகளின் போது உண்மை வெளியானது.

காதலியை வெளிநாடு செல்லவிடாமல் தடுப்பதற்காக காதலன் செய்த தந்திரமாகும் என்பதனை அறிந்துக்கொண்ட பொலிஸார். அவரை கைது செய்து நீதிமன்றத்தில் ஆஜர்படுத்தினர்.

நீதிமன்றத்தில் குறித்த சந்தேகநபர் தனது குற்றத்தை ஒப்புக்கொண்டதையடுத்து. நீதவான் அவருக்கு 10 வருடங்கள் ஒத்திவைக்கப்பட்ட ஒருவருட சிறைத்தண்டனை வழங்கினார்.

மொரட்டுவை எகொட உயனவையைச்சேர்ந்த ரொமேஷ் பிரியங்கார என்பருக்கே இவ்வாறு தண்டனை விதிக்கப்பட்டுள்ளது. காதல் கசந்து போனதையடுத்து காதலி நாடு திரும்பிவிட்டார்.

இவ்வருடமும் களைகட்டிய பிரேசில் 'கார்னிவெல்'

இவ்வருடமும் களைகட்டிய பிரேசில் 'கார்னிவெல்'

பிரேசிலில் வருடாந்தம் நடைபெறும் கார்னிவெல் கொண்டாட்டங்கள் நேற்று முன் தினம் ஆரம்பமாகியது.

இக்கொண்டாட்டங்கள் 4 நாட்கள் வரை நடைபெறுவது வழமை.

உலகில் இடம்பெறும் மிகப்பெரிய களியாட்ட விழாக்களில் ஒன்றாக இது கருதப்படுகின்றது.

இக் கொண்டாட்டங்களில் உலகம் பூராகவும் இருந்து இலட்சக்கணக்கோனோர் கலந்துகொள்வர்.

ஆட்டம், பாட்டம் , கொண்டாட்டம் என களைகட்டும் இத்திருவிழா மூலம் பிரேசிலுக்கு இம்முறை 665 மில்லியன் அமெரிக்க டொலர்கள் வருவாய் கிட்டும் என எதிர்ப்பார்க்கப்படுகின்றது.

பிரேசிலின் பல நகரங்களிலும் இக் கொண்டாட்டங்கள் நடைபெற்றாலும் தலைநகர் ரியோ டி ஜெனிரியோவில் நடைபெறும் கொண்டாட்டமே சிறப்பானதாகக் கருதப்படுகின்றது.

இவ்விழாவின் முக்கிய அம்சமாக கருதப்படுவது சாம்பா நடனப் போட்டியாகும்.

படுக்கையறைகளில் புலிக்குட்டிகள்

படுக்கையறைகளில் புலிக்குட்டிகளுடன் உறங்கும் நபர்

புலி என்ற பெயரைக் கேட்டாலே நாம் அஞ்சி நடுங்குகிறோம். ஆனாலும் பிரித்தானியாவைச் சேர்ந்த பென் வரென் என்பவர் படுக்கையறையில் இரு புலிக் குட்டிகள் சகிதம் உறங்கி வருகிறார்.
கென்ட் நகரிலுள்ள ஹவ்லெட்ஸ் வனப்பூங்காவில் பணியாற்றும் இவர் மேற்படி இரு புலிக் குட்டிகளும் பிறந்தது முதல் தன்னுடனேயே வளர்ந்து வருவதாக தெரிவித்துள்ளார்.

குட்டிகள் பிறந்தபோது தாய்ப்புலி அவற்றை ஏற்க மறுத்ததால் பராமரிக்கும் பொறுப்பை பென் வரென் ஏற்றுக்கொண்டார்.

இந்தப் புலிக் குட்டிகளுக்கு தினசரி இரு மணித்தியாலங்களுக்கு ஒரு தடவை உணவு வழங்கப்பட்டு வருகிறது.

முத்தமிடுவதில் உலக சாதனை

முத்தமிடுவதில் உலக சாதனை.

தாய்லாந்தைச் சேர்ந்த மருத்துவமனை பாதுகாப்பு உத்தியோகத்தரான எக்சாய் திரனாரத்தும் (44) அவரது மனைவி லக்ஷனாவும் (33) இணைந்து 58 மணி, 35 நிமிடங்கள் 58 செக்கன்கள் தொடர்ந்தும் முத்தமிட்டு புதிய உலக சாதனை படைத்துள்ளனர்.

இவர்கள் இருவரும் கடந்த வருடம் நிகழ்த்தப்பட்ட கின்னஸ் சாதனையை 8 மணித்தியாலங்களால் முறியடித்துள்ளனர்.

காதலர் தினத்தையொட்டி இடம்பெற்ற முத்தமிடும் போட்டியிலேயே சுமார் இரண்டரை மணித்தியாலங்கள் இந்த ஜோடி முத்தமிட்டு சாதனை படைத்துள்ளது.


இந்த போட்டியில் கலந்துகொள்பவர்கள் தொடர்ச்சியாக நின்றவாறு உணவு மற்றும் பானங்களை இறப்பர் குழாய் மூலம் உள்ளெடுத்தவாறு முத்தம் கொடுக்கக் கோரப்பட்டிருந்தது.

அவர்கள் மலசலகூடத்துக்குச் செல்வதானால் கூட உதட்டோடு உதடு முத்தமிட்டவாறே செல்வது அவசியமாகும்.

இந்தப்போட்டியில் வெற்றிபெற்ற சாதனை ஜோடிக்கு 3ஆயிரத்து 300 அமெரிக்க டொலர்களும் இரு வைர மோதிரங்களும் பரிசாக வழங்கப்பட்டன.

“நோ பயர் சோன்” இந்திய நாடாளுமன்ற உறுப்பினர்களுக்காக நாளை திரையிடப்படுகிறது!

“நோ பயர் சோன்” இந்திய நாடாளுமன்ற உறுப்பினர்களுக்காக நாளை திரையிடப்படுகிறது!

இலங்கையில் கடந்த 2009ம் ஆண்டு இறுதிக்கட்ட யுத்தத்தின் போது இடம்பெற்ற போர்க்குற்றங்கள் தொடர்பாக சனல் 4 தொலைக்காட்சி வெளியிட்டுள்ள “நோ பயர் சோன்” என்ற ஆவணப்படம் முதல் முறையாக நாளை இந்திய நாடாளுமன்ற உறுப்பினர்களுக்குத் திரையிட்டுக் காண்பிக்கப்படவுள்ளதாக தெரிவிக்கப்படுகிறது.

நாளை பிற்பகல் 4.30 மணிக்கு புதுடெல்லியில் அமைந்துள்ள அரசியலமைப்பு கழகத்தில் (Constitution Club) இந்த ஆவணப்படத்தின் 20 நிமிடககாட்சிகள் திரையிடப்படவுள்ளன.

இதையடுத்து, மாலை 5 மணியளவில் குழுநிலை விவாதம் ஒன்றும் ஒழுங்கு செய்யப்பட்டுள்ளதைாக தெரிவிக்கப்படுகிறது.

இதில், அனைத்துலக மன்னிப்புச் சபையின் இந்தியாவுக்கான பிரதம நிறைவேற்று அதிகாரி ஜி.அனந்தபத்மநாதன்,  சனல்-4 தொலைக்காட்சியின் இயக்குனர் கெல்லும் மக்ரே, ஐஏஎன்எஸ் செய்தி நிறுவனத்தின் பிரதம செய்தி ஆசிரியர் எம்.ஆர்.நாராயணசாமி, ஜவகர்லால் நேரு பல்கலைக்கழக பேராசிரியர் பி.சகாதேவன் ஆகியோர் பங்கேற்கவுள்ளனர்.

இலங்கையில் போர் குற்றம் நடந்தமைக்கான முழு ஆதாரமாக இக்காணொளி இருக்கும். இதை பார்த்தால் அங்கு என்ன போர்க்குற்றங்கள் நடந்தது என்பது தெளிவாக தெரியும்.

இலங்கையில் நடைபெற்ற போர்க்குற்றங்களுக்கு நீதி கிடைக்க நடவடிக்கை எடுக்காவிட்டால் மீண்டும் ஒருமுறை அந்த மண்ணில் இரத்தம் சிந்தப்படுவது தவிர்க்க முடியாததாகி விடும் என சனல்-4 தொலைக்காட்சியின் இயக்குனர் கெல்லும் கருத்துத் தெரிவித்துள்ளமையும் இங்கு குறிப்பிடத்தக்கது.

இத்தாலி தூதரக கிளையில் சேவைகளை பெறுவதில் மக்கள் அசௌகரியம்!

கொழும்பு உலக வர்த்தக மையத்தில் அமைந்துள்ள இத்தாலி தூதரக கிளையில் சேவைகளை பெறுவதில் மக்கள் அசௌகரியம்!

கொழும்பு, கோட்டை உலக வர்த்தக மையத்தின் கிழக்கு கோபுரம் 6வது மாடியில் அமைந்துள்ள இத்தாலி தூதுவராலய கிளையில் சேவைகளை பெற்றுக் கொள்வதற்காக வருகை தந்த ஏராளமான மக்கள் பல்வேறுப்பட்ட அளெகரியங்களுக்கு முகங் கொடுத்துள்ளனர்.

கடந்த மூன்று நாட்களுக்கு மேலாக உலக வர்த்தக மைய பகுதியில் தங்கியுள்ள அவர்கள், விசா பெற்றுக் கொள்ளுதல் உள்ளிட்ட ஏராளமான சேவைகளை பெற்றுக் கொள்ளும் நோக்கிலே வருகை தந்ததாக தெரிவித்தனர்.

இதற்காக பல தடவைகள் அந்த அலுவலகத்திற்கு சென்ற போது, பொறுப்பற்ற வகையில் அதிகாரிகள் நடந்து கொள்வதாகவும் அந்த மக்கள் குற்றம் சுமத்தியுள்ளனர்.

இதனிடையே, குறித்த அலுவலக அதிகாரிகள் அசமந்தப் போக்கை கடைப்பிடிப்பதாகவும் அந்த மக்கள் தெரிவித்துள்ளனர்.

இது தொடர்பாக வெளிவிவகார அமைச்சின் அதிகாரி ஒருவரை தொடர்பு கொண்ட முயற்சித்த போதும் அது கைகூடவில்லை என தகவல்கள் தெரிவிக்கின்றன.

மனைவியை ஜனாதிபதியிடம் செல்லவிடாது தடுப்பு

மருத்துவர் சிவசங்கரின் மனைவியை ஜனாதிபதியிடம் செல்லவிடாது தடுத்த பாதுகாப்பு பிரிவினர்!

கைது செய்யப்பட்டு தடுத்து வைக்கப்பட்டுள்ள மருத்துவர் சிவசங்கரை விடுதலை செய்யுமாறுகோரி, ஜனாதிபதியிடம் கடிதத்தினைக் கையளிக்கச் சென்ற அவரின் மனைவியை பாதுகாப்புப் பிரிவினர் தடுத்துள்ளதாகத் தெரிவிக்கப்படுகின்றது.

கடந்த 12ம், 13ம் திகதிகளில் யாழ்ப்பாணத்துக்கு வருகை தந்திருந்த ஜனாதிபதி மஹிந்த ராஜபக்ஸவிடம், பயங்கரவாதத் தடுப்புச் சட்டத்தின் கீழ் கைதுசெய்யப்பட்ட பல்கலைக்கழக மாணவர்கள் இருவரையும் அவர்களின் பெற்றோர் விடுத்த வேண்டுகோள் விடுத்தனர்.

இதனையடுத்து, குறித்த மாணவர்களை விடுதலை செய்யுமாறு ஜனாதிபதி உத்தரவிட்டிருந்தார்.

இந்நிலையில், மறுநாள் 13ம் திகதி யாழ்.போதனா வைத்தியசாலையின் புதிய மாடிக் கட்டடத்தை ஜனாதிபதி திறந்து வைத்திருந்தார். இந்நிகழ்வில் வைத்து ஜனாதிபதியிடம் தடுத்து வைக்கப்பட்டுள்ள மருத்துவர் சிவசங்கரை விடுவிக்கக் கோரி மனுவொன்றைக் கையளிப்பதற்கு அவரது மனைவியான மருத்துவர் திருமகள் முயற்சித்துள்ளார்.

இதன்போது ஜனாதிபதியின் பாதுகாப்புப் பிரிவினர், ஜனாதிபதியிடம் எந்தவொரு மனுவும் நீங்கள் கையளிக்க முடியாது. நாங்கள் அதனைக் கையளிக்கின்றோம் எனத் தெரிவித்து குறித்த மனுவை அவர்கள் ஜனாதிபதியிடம் வழங்குவதற்கு அனுமதியளிக்கவில்லை எனத் தெரிவிக்கப்படுகிறது.

கடந்த வருடம் டிசம்பர் மாதம் மருத்துவர் சிவசங்கர் மாங்குளம் பொலிஸாரினால் கைது செய்யப்பட்டமை குறிப்பிடத்தக்கது.

பாலச்சந்திரனின் படுகொலைப் புகைப்படம், காணொளி குறித்து கருத்துக் கூற முடியாது: பான் கீ மூனின் பேச்சாளர்

இலங்கை குறித்து ஐநாவின் உள்ளக குழு மூன்று அறிக்கை தயாரித்துள்ளது. இது இலங்கையில் இடம்பெற்ற சம்பவங்களை ஆராய்வதற்கு அல்ல. அதில் இருந்து பாடம் கற்றுக் கொள்வதற்கே என ஐ.நா செயலாளர் நாயகம் பான் கீ மூன் தெரிவித்துள்ளதாக அவரது பேச்சாளர் குறிப்பிட்டுள்ளார்.

ஐநா அலுவலகத்தில் இடம்பெற்ற வாராந்த ஊடகவியலாளர் சந்திப்பில் உரையாற்றியபோதே ஐநா செயலாளர் நாயகத்தின் பேச்சாளர் மார்டின் நெசர்க்கி இவ்வாறு தெரிவித்துள்ளார்.

தமிழீழ விடுதலைப் புலிகளின் தலைவர் பிரபாகரனின் 12 வயது மகன் பாலச்சந்திரன் குறித்து வெளியான காணொளி மற்றும் புகைப்படங்கள் தொடர்பில் ஊடகவியலாளர் ஒருவர் இங்கு கேள்வி எழுப்பினார்.

அதற்கு பதிலளித்த மார்டின் நெசர்க்கி,

நாங்கள் அந்த காணொளி மற்றும் புகைப்படங்களை பார்த்தோம். அது தொடர்பான அறிக்கையும் எமக்கு கிடைத்துள்ளது. ஆனால் அது குறித்து இப்போதைக்கு கருத்து கூற முடியாது. என தெரிவித்துள்ளார்.

மாம்பழத்தால் வந்த வினை: இருவருக்கு 25000 ரூபா பிணை

மாம்பழம் ஒன்றினால் ஏற்பட்ட பிரச்சினையால் இருவருக்கு 25 ஆயிரம் ரூபா சரரீரப் பிணை வழங்கப்பட்ட சம்பவம் களுபோவில பகுதியில் இடம்பெற்றுள்ளது.
சம்பம் தொடர்பில் தெரியவருவதாவது,
களுபோவில வைத்தியசாலை வளாகத்தில் உள்ள மா மரம் ஒன்றில் மாம்பழத்தை அங்கு பணிபுரியும் சிற்றூழியர் ஒருவர் பறித்தார் என மற்றுமொரு சிற்றூழியர் கூறியுள்ளார். இதனால் இருவருக்கும் வாய்த்தர்க்கம் ஏற்பட்டு பின்னர் கைகலப்பில் முடிவடைந்துள்ளது.
இதனையடுத்து சிற்றூழியர்களான ஆர்.டி.ஜே.ராஜபக்ஷ, இந்திக ராஜபக்ஷ அஜித் ஆகிய இருவரையும் கைது செய்த பொலிஸார், நீதிமன்றில் ஆஜர்படுத்தியுள்ளனர்.
விசாரணைகளை மேற்கொண்ட நீதவான் எம். மாரசிங்க இருவருக்கும் தலா 25 ஆயிரம் ரூபா சரரீரப் பிணை வழங்கி விடுவித்துள்ளார்.